ഞാനിന്നവളെ വിളിച്ചു . അടുത്തയാഴ്ച കല്യാണമാണ് . ബാംഗ്ലൂരിലേക്ക് പോവുന്നു . ഒരുപക്ഷെ അവസാനമായി ഞാനാ സ്വരം കേട്ടു . ഞാൻ ഏഴു കടലിനുമപ്പുറമാണ് . നാട്ടിലേക്കെന്ന് എന്നറിയില്ല . അവളുടെ നിഷ്കളങ്കമായ ചിരി , കണ്ണടക്കു മുകളിലൂടെയുള്ള നോട്ടം , എല്ലാവരെയും അംഗീകരിക്കുന്ന മനസ്സ് , ലളിത ജീവിതം . എല്ലാം ഒരു കാലത്തെന്റെ സ്വപ്നമായിരുന്നു .പക്ഷെ പറയാൻ പറ്റിയില്ല .ശ്രമിച്ചപ്പോഴൊക്കെ എന്റെ വ്യക്തിത്വം എന്നെ കീഴ്പെടുത്തി . ഒരാളോടും ഇഷ്ടം തോന്നാൻ എനിക്ക് കഴിവില്ല എന്ന് തോന്നി . അതെ 5 വര്ഷക്കാലവും എന്റെ മനസ്സിലിട്ട് താലോലിച്ചു ജീവിച്ചു .പൊടുന്നനെ ഒരു ആശുപത്രി കിടക്ക എന്റെ മുന്നിൽ . അമ്മക്ക് എന്നെ കാണണം . ഞാൻ എത്തി . എത്രയും വേഗം കല്യാണം ! ഞാൻ വീണ്ടും വീണ്ടും ശ്രമിച്ചു . ഇഷ്ടം പറയാൻ പറ്റിയില്ല ! അവസാനം അമ്മ കണ്ടു പിടിച്ച നിഷ്കളങ്കയെ കെട്ടി . ഇന്നൊരു നിമിഷം ഞാൻ എന്റെ പ്രണയം പറയാൻ വെമ്പി . അവളോട് യാത്ര പറയാൻ പറ്റിയില്ല . എന്റെ മനസ്സിനത് കഴിയില്ല . എന്നും നല്ലത് വരട്ടെ . ഒരു നോക്കു നമ്മൾ വീണ്ടും കാണും ! പ്രിയ സഖി .. പറയാതെ പോയ നിമിഷങ്ങൾ നിനക്ക് വേണ്ടി മാത്രം നീക്കി വച്ചവയായിരുന്നു .
ദൃശ്യം
2017, ഏപ്രിൽ 10, തിങ്കളാഴ്ച
നൂല്പാലം
അപകര്ഷത ഒരു നൂല്പാലമാണ് . നമ്മൾ കടന്നു പോവുന്ന വഴികളിൽ ഒരു റിസ്കും എടുക്കാതെ അടുത്ത കരയിലേക്ക് എത്താനുള്ള വെമ്പൽ . തീർച്ചയായും ആത്മവിശ്വാസമില്ലായ്മ തന്നെയാണ് അപകർഷതയുടെ സ്രഷ്ടാവ് .. റിസ്ക്കൾ നമ്മളെ തോൽപിക്കുമെന്ന ഭയം ! പുറത്താക്കപ്പെടുമെന്ന ഭയം . ഒരു മനുഷ്യ ജീവി കടന്നുപോവാവുന്ന ഏറ്റവും മോശം അവസ്ഥയാണത് .
2013, ഒക്ടോബർ 22, ചൊവ്വാഴ്ച
ദി ഫോല്ലോവേര് : പിന്തുടര്ച്ച..
2009 ഫെബ്രുവരി
ദി ഫോല്ലോവേര് : പിന്തുടര്ച്ച..
അഭിനയിച്ചവര് : അശ്വതി, അരുണ് സി എസ്, അശ്വതി മധു,സൂര്യ,സന്ധ്യ,സുജിത,ബെന്സി
ക്യാമറ : നിബിന് ചന്ദ്രന്
രചന,സംവിധാനം: രാഹുല്
Script
സ്റ്റാര്ട്ട്
സീന് 1
ലോകേഷന്: കോളേജ്.ക്ലാസ്സ് റൂം
ഷോട്ട് 1
ചോറ് കഴിച്ച് മതിയാക്കി, ഭാക്കി ചോറ് പാത്രത്തില് തന്നെ അടച്ചു വയ്ക്കുന്ന പെണ്കുട്ടി. പാത്രം എടുത്ത് ബാഗില് വക്കുന്നു.
സീന് 2
വൈകീട്ട് ക്ലാസ്സ് കഴിഞ്ഞ് നടന്നു പോകുന്ന പെണ്കുട്ടികള്.നായികയും 3 കൂട്ടുകാരികളും
സീന് 3
അവര് കെട്ടിടത്തിന് പുറത്ത് എത്തുന്നു. നടന്നു നീങ്ങുകയാണ്.
ഇടയ്ക്കു ഒരു ബൈക്ക് അവരെ ക്രോസ് ചെയ്ത് പോകുന്നുണ്ട്.
ചിലര് അവിടെ ഇരിക്കുന്നു.
സീന് 4
അവര് ഒരു കൂട്ട് പാതയില് എത്തുന്നു. അവിടെ വച്ച് നായിക മറ്റുള്ളവരെ പിരിഞ്ഞ് യാത്ര പറഞ്ഞു പോകുന്നു. അവളുടെ വീട്ടിലേക്കുള്ള വഴി അതാണ്.
സീന് 5
നായികാ ഒരു ഇടവഴിയിലേക്ക് പ്രവേശിക്കുന്നു. ശാന്തമായി നടന്നു നീങ്ങുകയാണ് നായിക.
സീന് 6
ആരോ ഒരാള് അവളെ ഒളിഞ്ഞു നോക്കുന്നുണ്ട്. അതാരാണ് എന്ന് മനസിലാവുന്നില്ല..ക്യാമറ കണ്ണിലാണ് അയാളുടെ കാഴ്ച്ച.
സീന് 7
ആരോ പിന്നില് ഉള്ള പോലെ തോന്നിയ നായികാ, തിരിഞ്ഞു നോക്കുന്നു.
സീന് 8
കാല്പ്പെരുമാറ്റം കേട്ട് തിരഞ്ഞു നോക്കുന്ന നായിക. ഭയാനകമായാണ് നോക്കുന്നത്.
ആരും ഇല്ല.
സീന് 9
അവള് നടന്നു നീങ്ങുമ്പോള് ആരോ അവളെ പിന്തുടരുന്നുണ്ട്.
അയാള് നടന്ന് നടന്നു അവളുടെ അടുത്ത് എത്തി.
സീന് 10
അവള് ഞെട്ടി തിരഞ്ഞു നോക്കുന്നു. പിന്നില് അതാ ഒരു ഭ്രാന്തന്
അവനെ കണ്ട് അവള് ഓടി. പിന് തുടരുന്ന ഭ്രാന്തന്. ചരല് നിറഞ്ഞ പാതയിലും. എല്ലാ വഴിയിലുടെ യും ഓടുന്നു. അവിടെ എല്ലാം ആ ഭ്രാന്തന് അവളെ പിന്തുടരുന്നു..
അവസാനം.
അവള് ഒരു കല്ലില് തട്ടി വീഴുന്നു. അവളെ പിന്തുടര്ന്ന ഭ്രാന്തന് ഓടി അടുക്കുന്നു. അവള് പേടിച്ച് നിരങ്ങി അകലാന് ശ്രമിക്കുന്നു.. ഭ്രാന്തന് നേരെ പോയി അവളുടെ ബാഗ് എടുക്കുന്നു. ഉള്ളതൊക്കെ പുറത്തെടുക്കുന്നു. എന്തോ തിരയുകയാണ്. അവസാനം ആ ചോര് പാത്രം എടുക്കുന്നു.
സീന് 11
ഭ്രാന്തന് ആ പാത്രം ആര്ത്തിയോടെ തുറന്ന് ഭക്ഷണം കഴിക്കുന്നു. അത് കണ്ട നായിക ആകെ ഭയന്ന്...കനിവുള്ള നോട്ടത്തോടെ നടന്നകലുന്നു.
END
2013, സെപ്റ്റംബർ 20, വെള്ളിയാഴ്ച
THE RIOT: ഒരു കലാപ ദിനത്തിന്റെ ഓര്മ്മപ്പെടുത്തല്
2008 നവംബര്
THE RIOT: ഒരു കലാപ ദിനത്തിന്റെ ഓര്മ്മപ്പെടുത്തല്
പശ്ചാത്തലം.: നാളെ ഇന്ത്യയുടെ റിപ്പബ്ലിക്ക് ദിനമാണ്.സ്കൂളുകളില് ദേശീയ പതാക ഉയര്ത്തലും മധുര പലഹാര വിതരണവും ഒക്കെ ഉണ്ടാവും. ജ്യോതിയും കൂട്ടുകാരും തലേ ദിവസം സ്കൂളില് പോവുകയാണ്. അടുത്ത ദിവസം അവരോടു ഇന്ത്യയുടെ പതാക ഉണ്ടാക്കി കൊണ്ട് വരാന് സ്കൂളില് നിന്നും നിര്ദേശം കിട്ടിയിരിക്കുന്നു.എന്നാല് ആ ദിവസം, ആ കോളനിയില് കലാപം നടക്കുന്നു.
കലാപം ആര്ക്കോ വേണ്ടിയാണു..ഒരു മതത്തിനോ രാഷ്ട്രീയക്കാര്ക്കോ വേണ്ടി,..എന്നാല്..ഇന്ത്യയുടെ മുഖം!!
കഥാപാത്രങ്ങള്
ജ്യോതി – ജ്യോതി
കൂട്ട്കാര്- മാളു, കുട്ടന്
അക്രമികള്: ദിവിന്,നന്ദു,ഹരീഷ്,വിനീത്,പ്രിന്ജു
സംവിധാനം ,ക്യാമറ: രാഹുല്, ദിവിന്
സ്ക്രിപ്റ്റ്: രാഹുല്
Script
സീന് 1
പകല്
ചോര വീണ വഴികളിലൂടെയും ചെടികലള്ക്കിടയിലൂടെയും സഞ്ചരിക്കുന്ന ക്യാമറ.എത്തിച്ചേരുന്നത് തുറന്നു വച്ച പുസ്തകത്തില്. അതില് എഴുതിയിരിക്കുന്നു: THE RIOT
സീന് 2
ഷോട്ട് 1
നടന്നുകൊണ്ടിരിക്കുന്ന പെണ്കുട്ടിയുടെ കാല്.അവളുടെ നടത്തം നില്ക്കുമ്പോള് ക്യാമറ മുകളിലേക്ക് ഉയര്ന്നു വരുന്നു. അവള് അകലെ ഉള്ള എഞ്ചിനീയറിംഗ് കോളേജ് ലേക്ക് നോക്കി നില്കുകയാണ്.അവള് സ്കൂളില് പോവാനുള്ള തയ്യാറെടുപ്പിലാണ്.
പാശ്ചാത്തലത്തില് ശബ്ദം:”ജ്യോതി. ഭാവിയെ പറ്റി ചിന്തിക്കുന്ന ബാല്യം
ഇവള്ക്ക് ഈ എഞ്ചിനീയറിംഗ് കോളേജഇല് പഠിക്കണം. പഠിച്ച് എഞ്ചിനീയര് ആവണം..”
ഷോട്ട് 2
മൂത്രമൊഴിക്കാന് നില്ക്കുന്ന കൂടുകാരന്. അവനോട് എന്തോ പറയുന്ന ജ്യോതി. രണ്ടുപേരും സീനില് വരണം.
ഷോട്ട് 3
കൂടുകാരന്റെ ഒപ്പം നടന്നു നീങ്ങുന്ന ജ്യോതി. പിന്നില് നിന്നും മറ്റൊരു കൂടുകാരി അവരുടെ കൂടെ കൂടുന്നു.കൂടുകാരി ഓടി വരികയാണ്. 3 പേരും സ്കൂളിലേക്ക്.
പശ്ചാത്തലം:”നാളെ റിപബ്ലിക് ഡേ. കൊടികളും തോരണങ്ങളും കൊണ്ട് ആഘോഷിക്കാന് ബാല്യങ്ങള്ക്ക് ഒരുത്സവം.ചിറകറ്റ സ്വപ്നങ്ങളും പൊലിയുന്ന ബാല്യങ്ങളും നേര്ക്കാഴ്ച ആവുമ്പോള് അവയിലെക്കൊരു എത്തി നോട്ടം.”
സീന് 3
നടന്നു അകന്നു പോവുന്ന ജ്യോതിയും കൂട്ടുകാരും.അവിടേക്ക് ഓട്ടോ യില് ഒരാള് വന്നിറങ്ങുന്നു.
സീന് 4
ഒരു ചെറിയ കാടിനുള്ളിലെക് നടന്നു നീങ്ങുന്ന ഒരാള്. കയ്യില് ഒരു കെട്ടുണ്ട്.ഓട്ടോ യില് വന്നിറങ്ങിയ അതേ ആള്.
സീന് 5
അയാള് നടന്നു വന്ന് 4 പേരുടെ ഒരു കൂട്ടതിനിടക്ക് കയ്യിലുള്ള ആ കെട്ട് ഇടുന്നു.കൂട്ടത്തില് ഒരാള് ആ കെട്ടഴിക്കുന്നു. അതില് കുറെ ആയുധങ്ങള്.പകരമായി ഓട്ടോ യില് വന്ന ആള്ക് പണം കൊടുക്കുന്നു.
സീന് 6
ജ്യോതി വീടിന്റെ വരാന്തയില് ഇരുന്ന് ഇന്ത്യയുടെ പതാക വരയ്ക്കുന്നു.
അതേ സമയം കുറച്ച് കാലുകള് പടികള് കയറുകയാണ്.
അവരുടെ കയ്യില് ആയുധങ്ങള് ഉണ്ട്.
സീന് 7
അവര് ജ്യോതി യുടെ വീട്ടില് കയറി.അവിടെ കണ്ട ആളെ പുറത്തിറക്കി വെട്ടി കൊല്ലുന്നു.അതിനിടക്ക് ജ്യോതി വീട്ടില് നിന്നും ഇറങ്ങി ഓടുന്നു.അവളെ ഒരു കലാപകാരി പിന്തുടരുന്നു,
സീന് 8
രക്ഷപെടാന് അനുവദിക്കാതെ. അവളെ ആ കലാപകാരി വെട്ടുന്നു.
സീന് 9
ഒഴുക്കുന്ന ചോര അതില് ചവിട്ടി അകലുന്ന കലാപകാരി. തോട്ടപുറത്ത് ജ്യോതി വരച്ച ഇന്ത്യയുടെ പതാക രക്തത്തില് കുളിച്ച് കിടക്കുന്നു.
END
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)